ဖလားကိုင်မြှောက်ပြီးနောက် အာဆင်နယ်နဲ့ ဂန်းနားတပ်သား ၂ ဦးအကြောင်း ပြောခဲ့တဲ့ ဂွါဒီယိုလာ
ပက် ဂွါဒီယိုလာဟာ မန်ချက်စတာစီးတီးအသင်းက ယခုရာသီ ပရီးမီးယားလိဂ်ဖလားကို ကိုင်မြှောက်နိုင်ခဲ့ပြီးနောက် အာဆင်နယ်ရဲ့ ဆုဖလားစိန်ခေါ်မှုနဲ့ ဆာကာ၊ မာတီနယ်လီတို့ကို ချီးကျူး ပြောဆိုခဲ့ပါတယ်။
မန်ချက်စတာစီးတီးဟာ တစ်ရာသီလုံး အာဆင်နယ်နဲ့ ပရီးမီးယားလိဂ်ဖလားတိုက်ပွဲကို ဆင်နွှဲခဲ့ရတာဖြစ်ပြီး တစ်ချိန်မှာဆိုရင် ဂန်းနားတွေဟာ အမှတ်ပေးဇယားထိပ်ဆုံးမှာ ၈ မှတ်အထိတောင် ဖြတ်ထားနိုင်ခဲ့တာဖြစ်ပါတယ်။ ဒါပေမယ့်လည်း စနေနေ့မှာ ဂန်းနားတွေက နော်တင်ဟမ် ဖောရက်စ်ကို ရှုံးနိမ့်ခဲ့တာကြောင့် ဂွါဒီယိုလာရဲ့အသင်းဟာ ပြီးခဲ့တဲ့ ၆ ရာသီအတွင်း ၅ ကြိမ်မြောက် ပရီးမီးယားလိဂ်ဖလားကို ကိုင်မြှောက်နိုင်ခဲ့တာ ဖြစ်ပါတယ်။
ချဲလ်ဆီးကို ၁-၀ နဲ့ အနိုင်ရရှိခဲ့တဲ့ တနင်္ဂနွေနေ့ညပွဲစဉ်အပြီးမှာ ဂွါဒီယိုလာက ဆာကာနဲ့ မာတီနယ်လီတို့လို ကစားသမားတွေဟာ ပြိုင်ဘက်တွေကို အနိုင်ယူဖို့ လှုပ်ရှားမှုတစ်ခုသာ ပြုလုပ်ဖို့ လိုအပ်ပြီး အဲဒီလို ကစားသမားတွေကို တားဆီးဖို့ နေသန် အာကီလို ထိပ်တန်းနောက်ခံလူတွေ လိုအပ်တယ်လို့ ဝန်ခံခဲ့တာဖြစ်ပါတယ်။
“နေသန်က ကျွန်တော်တို့အတွက် အခြေခံကျခဲ့ပါတယ်။ ခင်ဗျား ဘူကာယို ဆာကာ၊ ဗင်နီးရှပ်စ် ဂျူနီယာ၊ ဂါဘရီယဲလ် မာတီနယ်လီ ဒါမှမဟုတ် မိုဟာမက် ဆာလားတို့လို ကစားသမားတွေနဲ့ ရင်ဆိုင်တဲ့အချိန်မှာ တစ်ဦးချင်း ရင်ဆိုင်တိုက်ပွဲမှာ အနိုင်ယူနိုင်တဲ့ သင့်တော်တဲ့ နောက်ခံလူတွေလိုတယ်ဆိုတာ ဒီရာသီမှာ ကျွန်တော် လေ့လာသင်ယူနိုင်ခဲ့တယ်။ ခင်ဗျားကို အလဲထိုးဖို့ သူတို့က တစ်ချက်လေးပဲ လုပ်ဖို့လိုပါတယ်။ နေသန်က ကျွန်တော်တို့ အရင်တုန်းက မရှိခဲ့တဲ့ အားတစ်ခုကို ပေးခဲ့ပါတယ်။”
မန်စီးတီးဟာ ယခုရာသီ အက်ဖ်အေဖလားပြိုင်ပွဲမှာ အာဆင်နယ်ကို ဖြုတ်ပစ်ခဲ့ပြီး ပရီးမီးယားလိဂ်မှာ ၂ ကြိမ်တွေ့ဆုံရာမှာလည်း အနိုင်ရရှိခဲ့တာဖြစ်ပါတယ်။
“လီဗာပူးလ်လိုမျိုးပဲ အာဆင်နယ်က ရမှတ် ၅၀ ရခဲ့ပြီး သူတို့တွေသာ စည်းချက်ကို ဆက်ထိန်းသိမ်းသွားနိုင်မယ်ဆိုရင် လိုက်မီဖို့ဆိုတာ မဖြစ်နိုင်သလောက် နီးပါးဖြစ်ခဲ့မှာပါ။ ကျွန်တော်တို့ သူတို့ကို တွန်းအားပေးပြီး သူတို့ ရမှတ်လျော့ကျတာကို စောင့်ခဲ့တယ်။ သူတို့တွေ အဲဒီအတိုင်းပဲ ဖြစ်ခဲ့ပါတယ်။ ကျွန်တော်တို့ သူတို့ အစ်တီဟတ်လာတဲ့အချိန်ကျရင် သူတို့နဲ့ နီးစပ်အောင် လုပ်ရမယ်လို့ အမြဲတမ်း တွေးထားခဲ့ပါတယ်။ ကျွန်တော်တို့ ၈ မှတ်အထိ ကွာဟခဲ့တယ်။ ကျွန်တော်တို့ အိမ်ကွင်းမှာ သူတို့ကို အနိုင်ယူနိုင်မယ်လို့ မျှော်လင့်မိခဲ့ပြီး ကျွန်တော်တို့ အဲဒါကို လုပ်ခဲ့ပါတယ်။အဲဒါအပြီးမှာ ပိုပြီးခက်ခဲတဲ့ ပွဲစဉ်တွေ ရှိခဲ့တယ်။ ဖူလ်ဟမ်၊ အဲဗာတန်၊ ချန်ပီယံလိဂ်ပွဲတွေ၊ အက်ဖ်အေဆီမီးဖိုင်နယ်ပွဲတွေရှိခဲ့တယ်။ ခင်ဗျား ဘယ်လို တုံ့ပြန်မလဲဆိုတာကို ဘယ်တော့မှ ကြိုမသိနိုင်ဘူး။ ဒါပေမယ့် အသင်းက အရမ်းထူးချွန်ခဲ့တယ်လို့ပဲ ကျွန်တော် ပြောရပါလိမ့်မယ်။”
မန်စီးတီးနည်းပြ ဂွါဒီယိုလာက အစ်တီဟတ်မှာ လက်တွဲအလုပ်လုပ်ခဲ့ဖူးတဲ့ လက်ထောက်နည်းပြဟောင်း အာတီတာနဲ့ အာဆင်နယ်ကို ချီးကျူးခဲ့ပါတယ်။
“ပရီးမီးယားလိဂ်ဖလားတိုင်းက ထူးခြားပါတယ်။ ခင်ဗျား အဲဒါကို ၃ နှစ်ဆက်တိုက် အနိုင်ရရှိတဲ့အခါမှာ အဲဒါက ခြေစွမ်းပိုင်းတည်ငြိမ်မှုရှိတယ်ဆိုတဲ့ အဓိပ္ပာယ်ပါ။ အထူးသဖြင့် လီဗာပူးလ်နဲ့ရင်ဆိုင်ကစားရာမှာ ဒီနှစ်မှာဆိုရင် မယုံနိုင်စရာကောင်းတဲ့ အာဆင်နယ်နဲ့ ရင်ဆိုင်ရာမှာ ခြေစွမ်းပိုင်းတည်ငြိမ်မှုရှိတယ်ဆိုတဲ့ အဓိပ္ပာယ်ပါ။ ကျွန်တော်တို့ရဲ့ ပြိုင်ဘက်တွေရဲ့ အရည်အသွေးကို ချီးကျူးပါတယ်။ အရင်တုန်းက လီဗာပူးလ်ဖြစ်ခဲ့ပြီး အခုတော့ အာဆင်နယ်ပါ။ နှစ်သင်းစလုံးက ကျွန်တော်တို့ရဲ့ အကန့်အသတ်တွေကို ရောက်ရှိအောင် ယူဆောင်ပေးခဲ့ကြပါတယ်။ အာဆင်နယ်အသင်းပိုင်ရှင်တွေကို ၆ နှစ်၊ ၇ နှစ်လောက် ချန်ပီယံလိဂ်ဝင်ခွင့်နဲ့ လွဲချော်ခဲ့ပြီးတဲ့နောက် ချန်ပီယံလိဂ်ဝင်ခွင့်ရတာက ဘာတွေအဓိပ္ပာယ်ရှိလဲဆိုတာ သွားမေးလိုက်ပါ။ လာမယ့်ရာသီမှာ အာဆင်နယ်က ထိပ်တန်းပြိုင်ပွဲမှာ ကစားတော့မှာပါ။ ဥရောပက မယုံနိုင်စရာပြိုင်ပွဲမှာ အကောင်းဆုံးအသင်းတွေနဲ့ ကစားသွားတော့မှာပါ။ ဒီရာသီက သူတို့အတွက် အောင်မြင်မှုဆိုတာ ကျိန်းသေပါတယ်”လို့ ပြောကြားခဲ့ပါတယ်။
Arsenal Myanmar
Ref: Internet
