ရိုက်ရဲ့အပြောင်းအရွှေ့အပြီး နောက်ထပ် အပြောင်းအရွှေ့ ၂ ခု အပြီးသတ်မယ့် အာဆင်နယ်
အာဆင်နယ်အသင်းဟာ ယမန်နေ့ညက ဒီကလန် ရိုက်အတွက် သဘောတူညီမှု ရရှိခဲ့ပြီးနောက် အပြီးသတ် ခေါ်ယူဖို့ ပြင်ဆင်နေပြီဖြစ်ပြီး ဖက်ဘရီဇီယို ရိုမာနိုက အင်္ဂလန်ကြယ်ပွင့်ကို ဆေးစစ်မှုအပြီးမှာ ဂန်းနားတွေ အပြီးသတ်မယ့် နောက်ထပ် အပြောင်းအရွှေ့ ၂ ခုကို ထုတ်ဖော်ပြောဆိုခဲ့ပါတယ်။
အာတီတာဟာ အပြောင်းအရွှေ့စျေးကွက် မဖွင့်ခင်ကတည်းက ဒီကလန် ရိုက်ကို ခေါ်ယူချင်ခဲ့တာဖြစ်ပြီး ဝက်စ်ဟမ်းအသင်းခေါင်းဆောင်ဟာ ဇန်နဝါရီလကတည်းက အမ်းမရိတ်စ်ကို ပြောင်းရွှေ့ဖို့ သတင်းတွေ ထွက်ပေါ်နေခဲ့တာဖြစ်ပါတယ်။
အာဆင်နယ်ဟာ လက်ရှိမှာတော့ ဒီကလန် ရိုက်ကို အပြီးသတ်ခေါ်ယူနိုင်တော့မှာဖြစ်တာကြောင့် ပျော်ရွှင်စိတ်လှုပ်ရှားနေပေမယ့်လည်း လုပ်စရာတွေက မပြီးပြတ်သေးဘဲ ယူရီယန် တင်းဘား ရောက်ရှိလာမှုနဲ့ ချာကာ ထွက်ခွာမှုတို့ကို အပြီးသတ်သွားဦးမယ်လို့ ရိုမာနိုက တွစ်တာမှာ ပြောကြားခဲ့ပါတယ်။
အာဆင်နယ်ဟာ လက်ရှိအချိန်အထိ ယခုနွေရာသီ အပြောင်းအရွှေ့ကာလမှာ တော်တော်လေး တက်ကြွလှုပ်ရှားနေပြီး ခိုင် ဟာဗတ်ဇ်ကို ချဲလ်ဆီးအသင်းကနေ ခေါ်ယူထားနိုင်ခဲ့ပြီးဖြစ်သလို ဒီကလန် ရိုက်ကလည်း ယခုအပတ်မကုန်ခင်မှာ အမ်းမရိတ်စ်ကို ရောက်ရှိလာတော့မှာ ဖြစ်ပါတယ်။
ရိုမာနိုက အိုင်းယက်စ်ကြယ်ပွင့် ယူရီယန် တင်းဘားက အရာအားလုံး စီစဉ်ထားတဲ့အတိုင်းသာ ဖြစ်လာမယ်ဆိုရင် နောက်ထပ် ရောက်ရှိလာမယ့်ကစားသမားတစ်ဦးဖြစ်တယ်လို့ ပြောကြားခဲ့ပေမယ့်လည်း အာဆင်နယ်ကနေ ထွက်ခွာမယ့်ကစားသမားအနည်းငယ်လည်း ရှိနေသေးတာဖြစ်ပါတယ်။
ပထမဆုံးတစ်ယောက်ကတော့ ဂရားနစ် ချာကာဖြစ်ပြီး လေဗာ ကူဆင်အသင်းကို အပြီးသတ် ပြောင်းရွှေ့ဖို့ ပြင်ဆင်နေကြောင်းကို ရိုမာနိုက ယမန်နေ့ညက တွစ်တာမှာ “အာဆင်နယ်က ဒီညမှာ ဝက်စ်ဟမ်းနဲ့ နောက်ဆုံးသဘောတူညီမှု ရရှိခဲ့ပြီးနောက် ဒီအပတ်မှာ ဒီကလန် ရိုက်ကို ဆေးစစ်မှုတွေ ပြုလုပ်ဖို့အတွက် စီစဉ်နေပါတယ်။ ဂန်းနားတွေဟာ လက်ရှိမှာ ချာကာကို လေဗာကူဆင်အသင်းကို ပြောင်းရွှေ့ဖို့ မီးစိမ်းပြလိုက်ပြီလို့ မျှော်မှန်းခြင်းခံထားရပြီး ပြီးတော့ ယူရီယန် တင်းဘားရဲ့ အပြောင်းအရွှေ့ကလည်း နီးစပ်နေပါတယ်”လို့ ရေးသားခဲ့တာဖြစ်ပါတယ်။
Arsenal Myanmar
Ref: Internet
