ဒီကလန် ရိုက်စ်ကိစ္စမှာ ခလောက်ဆန်နိုင်တဲ့ တန်ဟက်ကြောင့် ၃ ကွက်လောက် ချန်ထားတဲ့ ဂန်းနားများ
ဝက်စ်ဟမ်း ယူနိုက်တက်အသင်းဟာ ယခုနွေရာသီမှာ အာဆင်နယ်အသင်းက ခေါ်ယူဖို့ ကြိုးပမ်းသွားမယ့် ဒီကလန် ရိုက်စ်ကို မန်ချက်စတာယူနိုက်တက်က ကြားဖြတ်ခေါ်ယူမယ်လို့ မျှော်မှန်းထားတာကြောင့် ကြိုက်စျေးတိုးတောင်းဖို့ ပြင်နေပါတယ်။
ဝက်စ်ဟမ်းအသင်းခေါင်းဆောင်ဟာ ယခုရာသီကုန်မှာ ချန်ပီယံလိဂ်ပြိုင်ပွဲမှာ ပါဝင်ကစားချင်တာကြောင့် ဝက်စ်ဟမ်းကို စွန့်ခွာတော့မယ်လို့ မျှော်မှန်းခြင်း ခံထားရပေမယ့်လည်း ဒီကလန် ရိုက်စ်ရဲ့ စာချုပ်သက်တမ်းက ၂ နှစ်ကျန်သေးတာကြောင့် ပေါင်သန်း ၁၀၀ လောက်အထိ သတ်မှတ်ထားတာဖြစ်ပါတယ်။
အာဆင်နယ်ကတော့ ထပ်ဆောင်းပေးချေမှုတွေနဲ့ အသင်းစံချိန်တင်ပြောင်းရွှေ့ကြေး ပေါင် ၉၂ သန်းတန်ကြေးရှိတဲ့ ကမ်းလှမ်းမှုပြုလုပ်သွားမယ်လို့ သတင်းတွေက ဖော်ပြခဲ့ပေမယ့်လည်း ဝက်စ်ဟမ်းက အင်္ဂလန်ကွင်းလယ်ကြယ်ပွင့်အတွက် အဲဒီထက်ပိုရနိုင်မယ်လို့ ယုံကြည်ချက်ရှိနေတာ ဖြစ်ပါတယ်။
အဓိကကတော့ မန်ချက်စတာယူနိုက်တက်က ဝင်ရှုပ်လာနိုင်ပြီး အာဆင်နယ်က ပေးနိုင်တာထက် ပိုပြီးပေးမယ်လို့ တွေးထားတာကြောင့် စျေးတင်ရိုက်ဖို့ ကြံစည်နေတာဖြစ်ပြီး တန်ဟက်ရဲ့အသင်းက ဒီကလန် ရိုက်စ်အတွက် မာစီယယ်လ်၊ ဗန်ဒီဘိခ်၊ မက်ဂွိုင်းယား၊ တဲလက်စ်၊ အီလန်ဂါတို့ကို ရောင်းပြီး ငွေပုံသုံးသွားဖို့ ပြင်ဆင်နေတာဖြစ်ပါတယ်။
The Athletic ရဲ့ ဖော်ပြချက်အရ အာဆင်နယ်ဟာ ဒီကလန် ရိုက်စ်ကို ဆွဲဆောင်ဖို့အတွက် ချဲလ်ဆီးအကယ်ဒမီအသင်းဖော်ဟောင်း မေဆန် မောင့်ကိုပါ ခေါ်ယူသွားချင်နေတယ်လို့ သိရပြီး ဝက်စ်ဟမ်းအသင်းက အလဲအထပ်လည်း လက်ခံသွားဖွယ်ရှိနေတာကြောင့် ဒေးဗစ် မွိုက်စ် သဘောကျနိုင်တဲ့ ရိစ် နယ်လ်ဆန်၊ ဘာလိုဂန်၊ လိုကွန်ဂါတို့ ၃ ဦးနဲ့ အလဲအထပ် ပြုလုပ်သွားနိုင်တယ်လို့ ယင်းသတင်းကပဲ ဖော်ပြခဲ့ပါတယ်။
အာဆင်နယ်အသင်းဟာ တကယ်လို့မှ ဒီကလန် ရိုက်စ်ကို ပေါင် ၉၂ သန်းနဲ့ရော ကစားသမား ၃ ဦးနဲ့ ဒဲ့အလဲအထပ်ပါ အဆင်မပြေခဲ့ဘူးဆိုရင်တော့ ရီးရဲလ်ဆိုစီဒက်ကွင်းလယ်ကြယ်ပွင့် ဇူဘီမန်ဒီ၊ ဘရိုက်တန်ကြယ်ပွင့် မွိုက်စ် ကိုင်ဆေဒို၊ ဝုလ်ဗ်စ်ကြယ်ပွင့် ရူဘင် နက်ဗက်စ်တို့ကို အခြားရွေးချယ်စရာတွေအဖြစ် သတ်မှတ်ထားတယ်လို့ Daily Mail က ဖော်ပြခဲ့ပါတယ်။
Arsenal Myanmar
Ref: Internet
