စိတ်ဓာတ်၊ ခြေစွမ်းနဲ့ နိုင်ပွဲအပေါ် ကျေနပ်အားရနေတဲ့ နည်းပြ အာတေတာရဲ့ ပွဲပြီးစကားသံများ
ဖူလ်ဟမ်ကို အဝေးကွင်းမှာ (၃) ဂိုးပြတ် ချေမှုန်းကာ နောက်ဆုံး ပရီးယားလိဂ် (၅) ပွဲဆက်တိုက် အနိုင်ရခဲ့ပြီးနောက် နည်းပြ အာတေတာဟာ သူ့အသင်းရဲ့ စိတ်ဓာတ်နဲ့ စွမ်းဆောင်ရည်ပိုင်းကို ကျေနပ်အားရနေပါတယ်။
ပွဲအပြီး နည်းပြ အာတေတာ ပြောသမျှ စကားသံတွေကို ပြန်လည်မျှဝေပေးလိုက်ပါတယ်။
LONDON, ENGLAND – MARCH 12: Mikel Arteta, Manager of Arsenal, speaks with Marco Silva, Manager of Fulham, prior to the Premier League match between Fulham FC and Arsenal FC at Craven Cottage on March 12, 2023 in London, England. (Photo by Ryan Pierse/Getty Images)
နိုင်ပွဲနဲ့ပတ်သက်လို့
” အရမ်းပျော်ပါတယ်။ စုစည်းမှုအပြည့်ရှိတဲ့ အသင်းတသင်းကို အဝေးကွင်းမှာ လာရောက်ရင်ဆိုင်ရတာဟာ မလွယ်ကူပါဘူး။ ကျွန်တော်တို့ ပွဲကို လွှမ်းမိုး ထိန်းချုပ်နိုင်ခဲ့တယ်လို့ မြင်ပါတယ်။ အခွင့်အရေးတွေ အများကြီး ရှာနိုင်ခဲ့တယ်။ ပေးဂိုးမရှိခဲ့ဘူး။ ဒီအချက်တွေက အရေးကြီးပါတယ်။ ကျွန်တော်တို့ဟာ ပွဲကို အရမ်းကောင်းတဲ့ စွမ်းဆောင်ရည်မျိုးနဲ့ နိုင်ခဲ့တာပါ။ ကျေနပ်မိပါတယ်။ ”
ထရောဆာဒ်ရဲ့ စွမ်းဆောင်ရည်
” ဘောလုံးကိုင်ကစားတာကောင်းပြီး မှန်ကန်တဲ့ ပေးပို့မှုတွေအကြောင်း ပြောတဲ့အခါ မြင်နိုင်ဖို့ အရမ်းခက်ပါတယ်။ အချို့ကစားသမားတွေက အလျင်လိုလွန်းတယ်။ ဒီနေ့မှာ သူက သုံးဂိုး ဖန်တီးပေးခဲ့တယ်။ တကယ်ဆို သွင်းဂိုး နှစ်ဂိုးတောင် ရခဲ့သင့်သေးတာ။ အားရစရာ ကောင်းပါတယ်။ ”
” ဒါတင်မကပါဘူး။ ဒီရက်ပိုင်းတွေအတွင်းမှာ သူဟာ ဒဏ်ရာရနေခဲ့တယ်။ တပတ် ဒါမှမဟုတ် ဆယ်ရက်လောက် နားရမယ်လို့ ထင်ခဲ့ရတယ်။ သူဟာ အစောဆုံး ပြန်လာချင်ခဲ့ပါတယ်။ ဆရာဝန်တွေနဲ့ ကြံ့ခိုင်ရေးအဖွဲ့ကလည်း ကောင်းကောင်း စွမ်းဆောင်နိုင်ခဲ့ပါတယ်။ ဒါဟာ အသင်းကို အပြောင်းအလဲ ဖြစ်စေပါတယ်။ အသင်းဟာ ဒီနေ့မှာ သူ့ကို လိုအပ်ခဲ့တယ်။ သူဟာလည်း အရမ်းကောင်းခဲ့တယ်။ ”
ဂန်းနားနည်းပြဘဝ နိုင်ပွဲ (၁၀၀) ပြည့်သွားတာနဲ့ ပတ်သက်လို့
” ကျွန်တော် မသိခဲ့ပါဘူး။ ဒီနေ့နိုင်ခဲ့လို့ပဲ တကယ် ပျော်မိပါတယ်။ နောက်ထပ်နိုင်ပွဲတွေ အများကြီး ရယူနိုင်လိမ့်မယ်လို့လည်း မျှော်လင့်ထားပါတယ်။ ကိုယ်လုပ်ချင်သမျှ ကျွန်တော်တို့ ကြိုးစားနေသမျှကို အသင်းကလည်း တူညီစွာ လိုက်နာနိုင်တိုင်း နိုင်ပွဲတွေ ဖြစ်လာတာပါပဲ။ ကိုယ်ပိုင် စရိုက်လက္ခဏာနဲ့ နိုင်ပွဲတွေ ရတာမျိုးကို ဒီနေ့မှာ အားလုံး ခံစားကြရမှာပါ။ ကျွန်တော့်အတွက် ဒါက အရေးကြီးဆုံးပါပဲ။ ”
LONDON, ENGLAND – MARCH 12: Gabriel Jesus of Arsenal during the Premier League match between Fulham FC and Arsenal FC at Craven Cottage on March 12, 2023 in London, England. (Photo by David Price/Arsenal FC via Getty Images)
ဂျေးဇု ပြန်လာနိုင်မှု
” ကြီးမားတဲ့ အင်အားတရပ်ပါပဲ။ ဒီနေ့ကတော့ သူ့ရဲ့ ပထမဆုံး ခြေလှမ်းပါ။ သူ့အတွက် သင့်တော်တဲ့ပွဲတပွဲ ဖြစ်ပါ့မလာဆိုတာတော့ ကျွန်တော်တို့ အတော်လေး စဉ်းစားခဲ့ရပါသေးတယ်။ ပြီးခဲ့တဲ့ရက်တွေတုန်းက သူဟာ တခုခု လိုအပ်နေကြောင်း ကျွန်တော့်ကို ပြောခဲ့သေးတယ်။ ”
” မနေ့ကတော့ သူ ကျွန်တော့် ပြောလာတယ်။ ကျွန်တော့် မျက်လုံးထဲကို စိုက်ကြည့်ပြီး သူ အသင့်ဖြစ်ပြီတဲ့။ ဆိုတော့ ဒီနေ့မှာ သူ့အတွက် အခွင့်အရေး ဖန်တီးပေးရတော့တာပေ့ါ။ သူ့အတွက်လည်း အရှိန်ကောင်းသွားစေမယ့် ပထမဆုံးခြေလှမ်းလည်း ဖြစ်တယ်။ ကြည့်ရတာလည်း လွတ်လွတ်လပ်လပ် ကစားနိုင်ပြီး အခွင့်အရေး (၂) ကြိမ်တောင် ဖန်တီးပြခဲ့ပါတယ်။ ကျွန်တော်တို့အတွက် သူ ပြန်လာနိုင်တာ အရမ်းကောင်းပါတယ်။ ”
Ref : Arsenal Official
