ချဲလ်ဆီးနဲ့သရေကျခဲ့ပြီးနောက် ဂန်းနားတွေကို သတိပေးလိုက်တဲ့ ကလော့ပ်
ယာဂန် ကလော့ပ်က စူပါအာဆင်နယ်လို့ ချီးကျူးခဲ့ပေမယ့်လည်း လီဗာပူးလ်အသင်းက ယခုအပတ်မှာ ပရီးမီးယားလိဂ်အမှတ်ပေးဇယားဦးဆောင်သူတွေကို အနိင်ယူနိုင်စွမ်းရှိတာထက် ပိုတယ်လို့ ပြောကြားခဲ့ပါတယ်။
ဂန်းနားတွေဟာ တနင်္ဂနွေနေ့ အန်းဖီးမှာ ယခုရာသီ ပုံမှန်ခြေစွမ်းပြသနိုင်ဖို့ ရုန်းကန်နေခဲ့ရတဲ့ လီဗာပူးလ်နဲ့ ပွဲစဉ်မှာ ၎င်းတို့ရဲ့ အံ့အားသင့်ဖွယ် ဆုဖလားစိန်ခေါ်မှုကို ဆက်လက် ပြုလုပ်သွားမှာဖြစ်ပါတယ်။
လီဗာပူးလ်အသင်းဟာ ပြီးခဲ့တဲ့နှစ် အခုလိုအချိန်မှာ သမိုင်းဝင် ဆုဖလား ၄ လုံးအတွက် စိန်ခေါ်နေခဲ့တာဖြစ်ပေမယ့်လည်း ဒီနှစ်မှာတော့ အဲဒီလို ခြေစွမ်းအဆင့်အတန်းမျိုး ပြသနိုင်ဖို့ ရုန်းကန်ခဲ့ရတာဖြစ်ပြီး လိဂ် ၂၈ ပွဲမှာ ၁၂ ပွဲသာ အနိုင်ရခဲ့ပြီးနောက် အဆင့် ၈ နေရာအထိ ကျဆင်းသွားခဲ့တာဖြစ်ပါတယ်။
လီဗာပူးလ်အသင်းဟာ ပြီးခဲ့တဲ့အပတ်မှာ မန်ချက်စတာစီးတီးအသင်းရဲ့ ၄-၁ နဲ့ အနိုင်ယူခြင်းကို ခံခဲ့ရတာဖြစ်ပြီး အင်္ဂါနေ့ညမှာလည်း နည်းပြမရှိတဲ့ ချဲလ်ဆီးအသင်းနဲ့ ဂိုးမရှိ သရေကျခဲ့တာ ဖြစ်ပါတယ်။
ဒါပေမယ့်လည်း ကလော့ပ်က လီဗာပူးလ်ရဲ့ စတမ်းဖို့ဒ် ဘရစ်ချ်က စွမ်းဆောင်ရည်ဟာ မှန်ကန်တဲ့ ဦးတည်ချက်ကို သွားဖို့ သေးငယ်တဲ့ခြေလှမ်းလို့ ယုံကြည်နေပြီး ၎င်းရဲ့အသင်းက အမှတ်ပေးဇယားဦးဆောင်သူတွေကို ဧည့်ခံရတဲ့အချိန်မှာ ဒီစွမ်းဆောင်ရည်အပေါ်မှာ တည်ဆောက်သွားနိုင်မယ်လို့ မျှော်လင့်နေတာဖြစ်ပါတယ်။
၂၀၂၀ မှာ လီဗာပူးလ်အသင်းကို ပရီးမီးယားလိဂ်ဖလား ရရှိအောင် ကူညီပေးခဲ့တဲ့ ကလော့ပ်က အာဆင်နယ်က အမြင့်ပျံနေပြီး စူပါဘောလုံးကစားပုံမျိုး ကစားနေပေမယ့်လည်း ၎င်းရဲ့အသင်းသာ အလားအလာရှိတဲ့အတိုင်း ကစားနိုင်ရင် အနိုင်ယူနိုင်မယ်လို့ ပြောကြားခဲ့ပါတယ်။
“နောက်လာမယ့်ပွဲက အာဆင်နယ်ပါ။ မနှစ်က အာဆင်နယ် အမှတ်ပေးဇယား ဘယ်နေရာမှာရှိနေခဲ့လဲဆိုတာ ကျွန်တော် အတိအကျမသိပါဘူး။ ဒါပေမယ့် သူတို့တွေက အခု အမြင့်ပျံနေတာ သိသာပါတယ်။ မယုံနိုင်စရာ ပုံစံ၊ စူပါဘောလုံးကို ကစားနေတယ်။ ပွင့်ပွင့်လင်းလင်း ပြောရရင် သူတို့ကစားတာကို ကြည့်ရတာ တကယ်ကောင်းပါတယ်။ ဒါပေမယ့် ကျွန်တော်တို့က အန်းဖီးမှာကစားရမှာပါ။ အဲဒါက အိမ်ကွင်းပွဲစဉ်ဖြစ်ပြီး ကျွန်တော်တို့ရဲ့ အိမ်ကွင်းမှတ်တမ်းက အဝေးကွင်းမှတ်တမ်းလောက် မဆိုးပါဘူး။ အဲဒါက အခု ဒီပွဲကို ကျွန်တော် တကယ်စောင့်မျှော်နေတယ်ဆိုတဲ့အဓိပ္ပာယ်ပါ။ ဘာလို့လဲဆိုတော့ ဒီည ကျွန်တော် ခြေလှမ်းတစ်လှမ်းမြင်တွေ့ခဲ့ရပြီး အဲဒါက ကျွန်တော် လိုချင်ခဲ့တဲ့အရာပါ။ အခု ဆက်လုပ်ကြရအောင်”
“အန်းဖီးက ကျွန်တော်တို့အတွက် စောင့်ဆိုင်းနေပြီး ကျွန်တော်တို့ စွမ်းဆောင်ပြချင်တယ်။ ကျွန်တော်တို့ နောက်ထပ် ၁၀ ပွဲကစားဖို့ ရှိနေသေးပြီး လာမယ့်ပွဲက အာဆင်နယ်ပါ။ ကျန်တဲ့ ၉ ပွဲ မဟုတ်ပါဘူး။ ကျွန်တော် အဲဒီပွဲတွေကို စိတ်မဝင်စားပါဘူး။ ဒါပေမယ့် လာမယ့်ပွဲက အာဆင်နယ်ပါ။ အဲဒီတော့ ကျွန်တော်တို့က အာဆင်နယ်နဲ့ ရင်ဆိုင်ရာမှာ အနိင်ယူဖို့ ခက်ခဲမယ်ဆိုရင် ဒီပွဲကို အနိုင်ရနိုင်ပါတယ်။ အဲဒီလိုမဟုတ်ရင်တော့ အာဆင်နယ်က ကျွန်တော်တို့ကို အနိုင်ယူသွားမှာဖြစ်ပြီး အဲဒီကျရင် ကျွန်တော်တို့ မြင်ရပါလိမ့်မယ်”
“အချက်တစ်ချက်နဲ့ ပြောရရင် ကျွန်တော် ပြောခဲ့တဲ့အတိုင်း ခြေလှမ်းတွေက မကြီးမားပါဘူး။ တကယ်လို့ ခင်ဗျား ဘောလုံးပွဲကို အနိုင်ရရင် တစ်ပွဲအတွက် ချက်ချင်း ၃ မှတ်ရမယ်။ ဝိုး အရာအားလုံးက မတူညီတဲ့ပုံပေါ်သွားနိုင်ပါတယ်။ ဒါပေမယ့် အခုအချိန်မှာတော့ ကျွန်တော်တို့ သွင်းဂိုးတွေ ကင်းမဲ့နေတယ်။ ဒါမှမဟုတ် ကျွန်တော်တို့ ရှိချင်တဲ့နေရာမှာ မရှိခဲ့ဘူး။ ကျွန်တော်တို့ ဖြစ်နိုင်သမျှ အောင်မြင်ချင်ပါတယ်။ ဒါပေမယ့် အဲဒါက တစ်ပတ်ချင်းစီအတွက် ဒါမှမဟုတ် ဒီနေ့လိုမျိုး ရက်သတ္တပတ်အလယ်က တစ်ပွဲချင်းစီအတွက် အနိုင်လိုချင်တယ်လို့ ဆိုလိုတာပါ။ ကျွန်တော် အဲဒါကို ဒီညမှာ မြင်တွေ့ခဲ့ရပြီး အဲဒီအတွက် ကျွန်တော် အဆင်ပြေပါတယ်။”လို့ ပြောကြားခဲ့ပါတယ်။
Arsenal Myanmar
Ref: Internet
